21-23 ოქტომბერს, ბელგიის დედაქალაქ ბრიუსელში, პროფესიული განათლების ევროპული ფორუმის (EfVET) ყოველწლიური საერთაშორისო კონფერენცია გაიმართა, რომელშიც ინტერბიზნესის აკადემიის დამფუძნებელი-დირექტორი ინგა მანაშერიძე და აკადემიის პროფესიული მასწავლებელი თინათინ კახნიაშვილი მონაწილეობდნენ. მსგავსი საერთაშორისო ღონისძიებები მნიშვნელოვანი პლატფორმაა პროფესიული განათლების სფეროში გამოცდილების გაზიარებისთვის, ევროპული საგანმანათლებლო პრაქტიკის გაცნობისა და ახალი პარტნიორული ურთიერთობების ჩამოყალიბებისთვის. ინტერბიზნესის აკადემიისთვის საერთაშორისო თანამშრომლობის გაძლიერება და ევროპულ საგანმანათლებლო სივრცესთან დაახლოება განვითარების ერთ-ერთი მნიშვნელოვანი მიმართულებაა. გვჯერა, რომ საერთაშორისო გამოცდილებისა და თანამედროვე მიდგომების გაზიარება ხელს უწყობს საქართველოში პროფესიული განათლების ხარისხის გაუმჯობესებას და სტუდენტებისთვის ახალი შესაძლებლობების შექმნას.

ინტერბიზნესის აკადემიას სტუმრად ეწვია არიელის უნივერსიტეტის (ისრაელი) მათემატიკის დეპარტამენტის პროფესორი რომან იავიჩი, რომელმაც აკადემიის წარმომადგენლებს წარუდგინა ხელოვნური ინტელექტის ტექნოლოგიებზე დაფუძნებული ავტომატიზებული საგამოცდო სისტემა. პრეზენტაციისა და შემდგომი განხილვის შედეგად, დაიგეგმა თანამშრომლობა, რომლის ფარგლებშიც ინტერბიზნესის აკადემია განიხილავს აღნიშნული სისტემის საპილოტე რეჟიმში გამოცდის შესაძლებლობას. საპილოტე პროექტის მიზანი იქნება სისტემის რეალურ საგანმანათლებლო გარემოში შეფასება - მისი ფუნქციონალის, სანდოობის, მომხმარებლის გამოცდილების, საგამოცდო პროცესებთან შესაბამისობისა და აკადემიის არსებულ საგანმანათლებლო ინფრასტრუქტურასთან ინტეგრაციის შესაძლებლობის შესწავლა. წარმატებული საპილოტე ეტაპის შემთხვევაში, მხარეები განიხილავენ თანამშრომლობის გაფართოებას, მათ შორის სისტემის ლიცენზირებისა და ინტერბიზნესის აკადემიაში დანერგვის შესაძლებლობას. ინტერბიზნესის აკადემიისთვის თანამედროვე ტექნოლოგიების საგანმანათლებლო პროცესში ინტეგრაცია განვითარების ერთ-ერთი მნიშვნელოვანი მიმართულებაა. ხელოვნურ ინტელექტზე დაფუძნებული გადაწყვეტილებების გამოყენება კი კიდევ ერთი ნაბიჯია უფრო თანამედროვე, ეფექტური და ინოვაციური სასწავლო გარემოს შექმნისკენ. მოხარულები ვართ საერთაშორისო აკადემიური თანამშრომლობის ახალი პერსპექტივით და ვიმედოვნებთ, რომ დაწყებული დიალოგი გრძელვადიან და წარმატებულ პარტნიორობაში გადაიზრდება